கொடைக்கானலில் காபி கொட்டை மார்க்கெட் அமைக்க வலியுறுத்தல்

கொடைக்கானல் பகுதியில் காபி கொட்டை அமைக்க வேண்டும் என விவசாயிகள் கோரிக்கை விடுத்துள்ளனர்.​ ​ கொடைக்கானல் மலைப் பகுதியானது மேல்மலை மற்றும் கீழ்மலை,கொடைக்கானல் நகரம் என பிரிக்கப்பட்டுள்ளது.​ மேல்மலைப் பகுதியிலும் கொடைக்கானல் பகுதிகளிலும் காய்கறிகள் விவசாயம் செய்யப்படுகிறது.​ கீழ்மலைப் பகுதியில் ஆரஞ்சு,​​ காபி,​​ கொய்யா,​​ மலை வாழை பயிரிடப்படுறது.​ ​ ​ முக்கியமாக பண்ணைக்காடு,​​ தாண்டிக்குடி,​​ கே.சி.பட்டி,​​ கடுகுதடி,​​கும்பரையூர்,​​ பெரியூர்,​​ சின்னூர் உள்பட 35 ஆயிரம் ஹெக்டேர் பரப்பளவில் காபி பயிரிடப்படுகிறது.​ ​ தற்போது காபி அதிக அளவில் பயிரிடப்பட்டு நன்கு விளைந்து அறுவடை காலம் முடியும் நிலையில் காபி கொட்டையைப் பதப்படுத்தி அதனை விற்பதில் விவசாயிகள் தீவிரம் காட்டி வருகின்றனர்.​ ​ சில வாரங்களுக்கு முன் சர்வதேச மார்க்கெட்டில் காபி கொட்டை ஒரு கிலோ ரூ.140 முதல் ரூ.150-க்கு விற்பனையானது.​ இந்த நிலை படிப்படியாகக் குறைந்து ரூ.130-க்கு விற்கப்பட்டு வருகிறது.​ ​ ​ ஆரம்பத்தில் விலையேற்றம் இருந்ததால் மேலும் விலை உயர்வை எதிர்பார்த்து காபி கொட்டையை விவசாயிகள் இருப்பு வைத்திருந்ததால் விலை குறையும் பட்சத்தில் அதிருப்தி அடைந்துள்ளனர்.​ ​ ​ கொடைக்கானல் கீழ்மலைப் பகுதியில் காபி அதிக அளவில் பயிரிடப்பட்டு வருவதாலும்,​​ அதற்கென காபி வாரியம் இருந்தும் எந்த பயனும் இல்லாத நிலை உருவாகியுள்ளது.​ எனவே காபி விவசாயிகளை ஊக்கப்படுத்தவும்,​​ மேலும் அதிக காபி விளைச்சல் பெறுவதற்கும்,​​ கொடைக்கானல் மலைப் பகுதியில் காபி கொட்டை விலையை நிர்ணயிப்பதற்கும் மார்க்கெட் மையம் அமைக்க காபி வாரியம் நடவடிக்கை எடுக்க வேண்டும் என காபி விவசாயிகள் சங்கத்தினர் அரசுக்கு கோரிக்கை விடுத்துள்ளனர்.​ ​ இதைத் தொடர்ந்து இப் பகுதி விவசாயிகள் தங்களின் விவசாயப் பொருள்களை விற்பதும் அவற்றின் வருமானத்தைப் பாதுகாப்பாக வைக்க கீழ்மலைப் பகுதியில் வங்கிகள் இல்லாதது சிரமமாக உள்ளது.​ ​ 1981-ம் ஆண்டு தாண்டிக்குடி பகுதியில் செயல்பட்டு வந்த பாரத ஸ்டேட் வங்கி 2001-ல் மூடப்பட்டதால் இந்தப் பகுதி விவசாயிகள் மற்றும் ஓய்வூதியம் பெறும் அரசுப் பணியாளர்கள் சிரமம் அடைந்து வருகின்றனர்.​ ​ இது குறித்து விவசாயி ராஜேந்திரன் கூறியது:​ ​ கொடைக்கானல் கீழ்மலைப் பகுதியில் வசிக்கும் விவசாயிகளுக்கு ​ சுமார் ​ 45 கி.மீ.​ தூரம் உள்ள கொடைக்கானல்,​​ ஆடலூர் பகுதி வங்கிகளில் கடன் வழங்க மறுக்கின்றனர்.​ எங்களது சேமிப்புகளை செலுத்துவதிலும் சிரமம் ஏற்படுகிறது.​ ​ இதனால் கீழ்மலைப் பகுதிகளில் உள்ள விவசாயிகள் தங்கள் கணக்குகளை திண்டுக்கல்,​​ அய்யம்பாளையம்,​​ மதுரை போன்ற இடங்களில் வைக்க வேண்டிய நிலை ஏற்பட்டுள்ளது என்றார்.​ ​ ​ எனவே மாவட்ட நிர்வாகம் ​ கொடைக்கானல் கீழ்மலைப் பகுதிகளில் விரைவில் வங்கி அமைக்க நடவடிக்கை எடுக்க வேண்டும் என விவசாய சங்கத்தினர் கோரி வருகின்றனர்.
Admin

கருத்துரையிடுக

வேளாண்மை தகவல் ஊடகத்தின் செய்திகள்.. உங்கள் கருத்துக்களை சொல்லுங்கள்...

புதியது பழையவை

Recent in Sports